LaneUp کی پرائیویسی پالیسی

Apptech Solutions · آخری بار اپ ڈیٹ: 29 اکتوبر 2026

یہ انگریزی پرائیویسی پالیسی کا اردو ترجمہ ہے۔ اگر دونوں میں کوئی فرق ہو تو انگریزی والی بات مانی جائے گی۔

LaneUp رائیڈ ہیلنگ ڈرائیورز کو یہ دیکھنے میں مدد دیتا ہے کہ کون سی رائیڈ آفر لینے کے قابل ہے۔ یہ آپ کی رائیڈ ایپ میں آنے والی آفرز پڑھتا ہے، حساب لگاتا ہے کہ ایپ کی فیس اور پیٹرول کے بعد ہر آفر سے آپ کے پاس کتنے پیسے بچیں گے، اور اسکرین پر ان پر نشان لگاتا ہے۔ یہ پالیسی بتاتی ہے کہ LaneUp کیا پڑھتا ہے، کیا محفوظ رکھتا ہے، اور کیا آپ کے فون سے باہر جاتا ہے۔ مختصر یہ کہ: تقریباً سب کچھ آپ کے فون پر ہی رہتا ہے، کچھ بیچا نہیں جاتا، اور نہ کوئی اشتہار ہے نہ ٹریکنگ۔

LaneUp ایکسیسبیلٹی سروس سے کیا پڑھتا ہے

آپ کی اجازت سے LaneUp فون کی ایکسیسبیلٹی سروس کے ذریعے آپ کی چنی ہوئی رائیڈ ایپ کی اسکرین پڑھتا ہے، اور صرف اس وقت جب وہ ایپ کھلی ہو۔ یہ پڑھتا ہے:

• رائیڈ آفرز: کرایہ، فاصلہ اور وقت، پک اپ اور ڈراپ کے ایڈریس، کتنے اسٹاپ ہیں، رائیڈ کی قسم (جیسے Mini یا AC) اور پیسنجر کی ریٹنگ۔
• جو آفر آپ کھولیں، اس کے نقشے کی تصویر، تاکہ راستے کی لمبائی پڑھی جا سکے۔ یہ کام آپ کے فون کے اندر ہی ہوتا ہے، Google ML Kit کے ذریعے۔
• آپ آفر پر کون سا بٹن دباتے ہیں (ایکسیپٹ یا کوئی کرایہ)، تاکہ آپ کے ٹرپس کا ریکارڈ بن سکے۔

پیسنجرز کے نام اسکرین پر نظر آتے ہیں لیکن کبھی محفوظ نہیں کیے جاتے۔ LaneUp آپ کی جگہ کبھی کچھ ٹیپ، ایکسیپٹ یا ٹائپ نہیں کرتا، اور دوسری ایپس نہیں پڑھتا۔

لوکیشن

آپ کی اجازت سے LaneUp آپ کے فون کی لوکیشن استعمال کرتا ہے، اس وقت بھی جب رائیڈ ایپ سامنے ہو اور LaneUp پیچھے چل رہا ہو، تاکہ:

• آپ کے قریب آفرز کے ایڈریس ڈھونڈ سکے؛
• جان سکے کہ کوئی رائیڈ آپ کے چنے ہوئے ایریا کی طرف، یا شفٹ کے آخر میں گھر کی طرف جا رہی ہے یا نہیں؛
• آپ کی اپنی رپورٹس کے لیے لکھ سکے کہ آفرز کہاں ملیں، اور آپ کی شفٹ میں آپ کہاں کہاں گئے۔ یہ آپ سیٹنگز ‹ لوکیشن ڈیٹا میں بند کر سکتے ہیں۔

گوگل اکاؤنٹ، مفت ٹرائل اور سبسکرپشن

LaneUp چودہ دن مفت ہے، پھر Google Play پر ماہانہ سبسکرپشن لینی ہوتی ہے۔ ٹرائل شروع کرنے کے لیے آپ اپنے گوگل اکاؤنٹ سے سائن اِن کرتے ہیں، تاکہ ایپ دوبارہ انسٹال کرنے یا فون بدلنے پر بھی آپ کا ٹرائل اور سبسکرپشن آپ کے اکاؤنٹ کے ساتھ رہے۔ اس کے لیے LaneUp ہمارے اپنے سرور api.golaneup.com سے رابطہ کرتا ہے۔

• ہمارے سرور پر کیا جاتا ہے: آپ کے گوگل اکاؤنٹ کا نمبر، آپ کا ای میل ایڈریس (اگر گوگل دے)، آپ کا ٹرائل کب شروع ہوا، اور آپ کی سبسکرپشن کی رسید کا کوڈ اور یہ کہ سبسکرپشن چل رہی ہے یا نہیں۔
• ہمارے سرور پر کبھی نہیں جاتا: آپ کی رائیڈ آفرز، ٹرپس، کمائی، لوکیشن اور پیسنجرز کے بارے میں کچھ بھی۔ یہ سب آپ کے فون پر ہی رہتا ہے۔
• ادائیگی: پیسے Google Play کے ذریعے دیے جاتے ہیں۔ ہم آپ کے کارڈ یا بینک کی تفصیل کبھی نہیں دیکھتے۔ گوگل اسے کیسے سنبھالتا ہے، یہ گوگل کی پرائیویسی پالیسی میں لکھا ہے۔
• کب تک رکھا جاتا ہے: جب تک آپ کا اکاؤنٹ موجود ہے، تاکہ آپ کا ٹرائل اور سبسکرپشن چیک ہو سکے۔
• اکاؤنٹ ختم کرنا: ایپ میں سیٹنگز ‹ اکاؤنٹ اور سبسکرپشن ‹ اکاؤنٹ ڈیلیٹ کریں، یا اس ویب پیج پر: api.golaneup.com/delete-account۔ اس سے ہمارے سرور سے آپ کا سارا ریکارڈ ہٹ جاتا ہے۔ پیسے کٹنا بند کرنے کے لیے Google Play میں سبسکرپشن بھی کینسل کریں۔

کیا آپ کے فون پر رہتا ہے

آپ کی آفرز کی ہسٹری، ٹرپس، کمائی، سیٹنگز، لوکیشن کا ریکارڈ اور آپ کی ڈالی ہوئی کیز صرف آپ کے فون پر، LaneUp کی اپنی محفوظ جگہ میں رہتی ہیں۔ یہ نہ انٹرنیٹ پر کہیں محفوظ ہوتی ہیں، نہ نئے فون پر خود منتقل ہوتی ہیں۔ آپ ہسٹری کبھی بھی مٹا سکتے ہیں (ہسٹری ‹ کلیئر)، اور LaneUp ان انسٹال کرنے سے سب کچھ مٹ جاتا ہے۔ چاہیں تو آپ خود اس کی کاپی اپنے فون کے ڈاؤن لوڈز فولڈر میں رکھ سکتے ہیں۔

کیا آپ کے فون سے باہر جاتا ہے

• ایڈریس ڈھونڈنا: آفرز کے ایڈریس نقشے پر ڈھونڈنے کے لیے LaneUp فون کی اپنی ایڈریس سروس استعمال کرتا ہے، جو گوگل کی ہے۔ یہ کام گوگل کی پرائیویسی پالیسی کے تحت ہوتا ہے۔
• نقشے کی تصویریں: "ایریا میں جائیں" والا نقشہ OpenStreetMap کے سرورز سے نقشے کے ٹکڑے لیتا ہے۔ ان سرورز کو آپ کے فون کا انٹرنیٹ ایڈریس اور نقشے کا دکھایا گیا حصہ نظر آتا ہے۔ دیکھیں: OpenStreetMap کی پرائیویسی پالیسی۔
• سڑک کا فاصلہ (اختیاری، جب تک آپ اپنی کی نہ ڈالیں یہ بند ہے): سڑک کا اصل فاصلہ جاننے کے لیے آفرز کے پک اپ، اسٹاپ اور ڈراپ کی صرف نقشے پر جگہ openrouteservice.org کو بھیجی جاتی ہے۔ کوئی نام، فون نمبر یا ایڈریس نہیں بھیجا جاتا۔ دیکھیں: openrouteservice کی پرائیویسی پالیسی۔
• خرابی کی رپورٹ (اختیاری): اگر LaneUp اچانک بند ہو جائے تو یہ پوچھتا ہے کہ کیا آپ ہمیں رپورٹ ای میل کرنا چاہتے ہیں۔ اس میں خرابی کی تفصیل، ایپ کا ورژن اور آپ کے فون کا ماڈل ہوتا ہے، اور یہ صرف تب جاتی ہے جب آپ اپنی ای میل ایپ میں سینڈ دبائیں۔
• نقشے کی تصویر پڑھنے والا حصہ: Google ML Kit، جو آپ کے فون پر راستے کی لمبائی پڑھتا ہے، گوگل کو کچھ بنیادی معلومات بھیجتا ہے: فون کا ماڈل اور اینڈرائیڈ ورژن، ایپ کا نام اور ورژن، ہر انسٹال کا ایک الگ نمبر، اور پڑھنے میں کتنا وقت لگا۔ یہ اسکرین کی تصویر یا اس پر لکھی کوئی بات نہیں بھیجتا۔ دیکھیں: ML Kit کی شرائط اور گوگل کی پرائیویسی پالیسی۔
• اکاؤنٹ اور سبسکرپشن: آپ کے گوگل اکاؤنٹ کا نمبر، ای میل اور سبسکرپشن کی حالت ہمارے سرور پر جاتی ہے، جیسا کہ اوپر "گوگل اکاؤنٹ، مفت ٹرائل اور سبسکرپشن" میں لکھا ہے۔ گوگل سائن اِن اور Google Play بھی یہ معلومات گوگل کی پرائیویسی پالیسی کے تحت استعمال کرتے ہیں۔
• ہمیں ای میل: اگر آپ ہمیں لکھیں تو جو آپ بھیجیں وہ ہمیں ملتا ہے۔

ہم کسی کا ذاتی ڈیٹا نہیں بیچتے، اشتہار نہیں دکھاتے، آپ کو دوسری ایپس میں ٹریک نہیں کرتے، اور اشتہارات کے لیے کسی کو ڈیٹا نہیں دیتے۔ اوپر لکھی ML Kit والی معلومات کے علاوہ LaneUp آپ کے استعمال کا کوئی حساب نہیں رکھتا۔

بچے

LaneUp بالغ ڈرائیورز کے لیے ہے، اٹھارہ سال سے کم عمر بچوں کے لیے نہیں۔

تبدیلیاں

اگر یہ پالیسی بدلی تو نئی پالیسی نئی تاریخ کے ساتھ یہاں لگا دی جائے گی، اور بڑی تبدیلیاں ایپ میں بھی بتائی جائیں گی۔

رابطہ

Apptech Solutions · [email protected]